Në ditën e Fiter Bajramit, në ditën e shënuar kur përfundon agjërimi dhe sakrifica e besimtarëve myslimanë, edhe Ylli Limani ka treguar se si ka qenë ky muaj ai tha se ka përkuar me agjërimin e tij të parë, nga fillimi deri në fund dhe gjithashtu, ka folur për të gjithë gjërat që ka mësuar nga kjo përvojë
“Ky ka qenë Ramazani i parë që kam agjëruar (nga) fillimi (deri në) fund. Mësova shumë për vetëdisiplinën, për të pasur kujdes se çfarë them, shoh, dëgjoj, mendoj dhe bëj. Pa bukë e ujë, e kupton më mirë dikë që nuk i ka.
Gjatë gjithë muajit kam reflektuar, ku jam, ku dua të shkoj dhe çfarë jam duke e bërë mirë ose keq. Mësova se me vërtetë, nuk kam për çfarë të ankohem.
Përqendrohu tek ato që ke dhe ji falenderues 24 orë në ditë. Më e rëndësishmja, për të konfirmuar edhe njëherë fuqinë e qëllimit: Kur e ke të qartë çfarë do, gjithçka është e mundur. Zoti na pranoftë agjërimin!” uroi Ylli, duke treguar kështu të mirat që sjell agjërimi për besimtarët.”- shkruhet në postimin e tij
