Ish-kryeministri Sali Berisha në një takim të zhvilluar me demokratët e Delvinës ku ka prezantuar kandidatin e koalicionit “Bashkë Fitojmë” për bashkinë, Ilir Mehmeti.
Berisha gjatë fjalës së tij u shpreh se kryeministri, Rama ka shpenzuar 22 milionë euro për fluturime me avion privat më dhomë gjumi, ndërsa sot “kap lopatën që të duket si qengj para zgjedhësve”.
“Njeriu që shpenzon 22 milionë euro në avion privat me dhomë gjumi merr lopatën për të mbuluar frikën e ballafaqimit për vjedhjet e tij. Beson se meqë e kanë quajtur sulltan tani do u duket zgjedhësve si qengj me lopatë. Një mashtrues ordiner që nuk duhet të mashtrojë më”, u shpreh Berisha.
