Policia e Shkodrës ka dhënë detajet e para nga hetimi i nisur për ngjarjen e rëndë që tronditi Shkodrën mëngjesin e kësaj të hëne.
“Rreth orës 05:50 të mëngjesit të sotëm, shtetasi Fran Kolbuçaj, 65 vjeç, banues në lagjen “Skënderbeg”, Shkodër, ka njoftuar se kur ka shkuar për të hapur biznesin e tij (bar-kafe), ka konstatuar të thyer xhamin e derës të këtij biznesi.
Shpërthim i fuqishëm tritoli në një lokal në Shkodër, në pronësi të…
Nga veprimet paraprake të kryera nga grupi hetimor, dyshohet se para derës së këtij lokali, është hedhur një sasi e vogël lënde plasëse (amonit malor i prodhuar në mënyrë artizanale).
Grupi hetimor, në bashkëpunim me Prokurorinë, vijon punën në vendngjarje me qëllim zbardhjen e rrethanave të kësaj ngjarje, si dhe për identifikimin e kapjen e autorit/ëve”, thekson policia e Shkodrës në reagimin e saj të parë për ngjarjen në fjalë.
