Policia e Morinës ka arrestuar 42-vjeçarin nga Kosova, Gëzim Bacaj pasi në bashkëpunim me një person tjetër tentuan të vrisnin një të moshuar dhe nipin e saj të mitur.
Në fillim ata i kanë dhunuar fizikisht dhe duke i lënë pa ndjenja në banesën e tyre, të cilës më pas i vunë qëllimisht zjarrin.
42-vjeçari u kap në Morinë në tentativë për t’u larguar drejt Kosovës. Gjithashtu për këtë rast, u vu në pranga shtetasi D. K., 32 vjeç, banues në Kosovë i cili dyshohet se duke patur dijeni për këtë krim, nuk e kallëzoi atë.
Në vijim të veprimeve procedurale, u shpall në kërkim autori i dyshuar kryesor i kësaj ngjarjeje, shtetasi H. B., 51 vjeç, banues në Kosovë. Vijon intensivisht puna për kapjen e tij.
