Dy prokurorë britanikë kanë arritur paraditen e sotme në Lezhë. Vizita lidhet me vrasjen e biznesmenit Ardian Nikulaj në 19 Prill. Prokurorët do të njihen më nga afër me provat, mbi të cilat Shqipëria kërkon ekstradimin e katër personave që janë arrestuar në Londër.
Konkretisht, Edmond Haxhinë që akuzohet si organizator dhe tre spiunëve anglezë që kishin rolin e vëzhguesve. Në Angli ende nuk është marrë vendimi për ekstradimet.
Fjalën e fundit do ta thonë prokurorët që erdhën në Shqipëri. Në kërkim janë ekzekutori portugez dhe një tjetër britanik. Skuadra e vrasjes ishte e përbërë nga gjashtë persona.