Autoritetet spanjolle kanë identifikuar të riun shqiptar i cili u la i plagosur në dyert e një urgjence në 23 datën prill që më pas ndërroi jetë. Viktima është 29-vjeçari Endrit Sinaj, me precedent kriminalë në Spanjë dhe Shqipëri.
I riu nga Vlora u plagos me armë zjarri në 23 prill dhe u gjet në rrugën pranë spitalit nga një tjetër shqiptar, ndërsa nuk dihet asgjë për autorin e krimit. 29-vjeçari rezulton të ketë qenë i lidhur me trafikun e drogës dhe me disa grabitje. Sinaj ishte liruar me kusht nga policia spanjolle.
“Jemi policia”! Në Shqipëri i hapën derën e burgut, kush është vlonjati që u vra në Spanjë?
Por kush e la në derën e spitalit? Falë targës së makinës që kishin kapur kamerat e sigurisë, policia spanjolle ra në gjurmët e shqiptarit tjetër. Ai tregoi se e kishte gjetur Endrit Sinaj të plagosur në anë të rrugës, por nuk dha asnjë informacion të mëtejshëm.
Pasi u mor në pyetje për një kohë të gjatë dhe kontrollit në banesën e tij, policia e liroi për shkak se rezultoi se nuk kishte lidhje me krimin. Endrit Sinaj ka qenë edhe pjesë e grupit prej pesë personash që u arrestuan në tetor 2020-ës në qytetin e Vlorës për vjedhje me armë.
