Një shpërthim ka ndodhur sot rreth orës 03:00 të mëngjesit në afërsi të stacionit të Policisë së Kosovës në veri. Lajmin e ka konfirmuar zëdhënësi i policisë për rajonin e veriut, Veton Elshani.
Ai ka thënë se nga ky shpërthim është dëmtuar një veturë dhe një shtyllë elektrike. “Rreth orës 03:00 ka ndodhur një shpërthim.
Si pasojë është dëmtuar një veturë dhe një shtyllë elektrike. Policia është duke e trajtuar rastin si ‘shkaktim i rrezikut të përgjithshëm”, ka thënë Elshani për mediat në Prishtinë.
