Të paktën 21 persona kanë vdekur pasi një varkë turistike u përmbys në shtetin jugor Kerala të Indisë. Numri i të vdekurve mund të rritet pasi përpjekjet e shpëtimit po vijojnë ende. Numri i tepërt shkaktoi përmbysjen e varkës dykatëshe thanë autoritetet vendase për Reuters.
Varka thuhet se mbante rreth 50 persona ose dyfishi i kapacitetit të saj kur u përmbys mbrëmjen e së dielës. Shumë pasagjerë u bllokuan nën varkë dhe errësira pengoi përpjekjet e shpëtimit, sipas asaj që kanë raportuar mediat lokale. Viktimat përfshijnë gra dhe fëmijë që ishin në ekskursion.
Të paktën katër persona që u dërguan në spital janë në gjendje kritike. Shumë nga pasagjerët nuk kishin veshur jelek shpëtimi në momentin e incidentit, thanë të mbijetuarit për mediat lokale.
🇮🇳So far, 21 people have died after a boat overturned in front of the coastal city of Tanur.#News #India pic.twitter.com/oWn9YsbpeO
— F.M NEWS (@fmnews__) May 7, 2023
