Një “After Party” është zhvilluar gjatë mbrëmjes së djeshme për të gjithë ish-banorët e “Big Brother VIP”, produksionin dhe opinionistët, ku kanë festuar dhe kënduar me njëri-tjetrin. Natë e cila përkoi dhe me ditëlindjen e Arbana Osmanit dhe Eduart Grishajt.
E ndërsa të gjithë janë shfaqur në festë me familjarët apo partnerët e tyre, ish-banorja që tërhoqi vëmendjen me daljen e saj ishte Olta Gixhari e cila u shfaq për herë të parë në publik së bashku me partnerin e saj Dorin.
Aktorja ka preferuar ta mbajë gjithmonë larg syrit të publikut identitetin e partnerit të saj, mirëpo gjatë qëndrimit të saj në shtëpi Dori u kthye gjithashtu në një ndër emrat më të komentuar në rrjet.
Videoja e cila po bën xhiron e rrjetit tregon aktoren duke ecur dorë për dore me partnerin e saj gjatë festës. Ndërsa disa pamje të tjera kanë treguar se çifti janë takuar gjithashtu dhe me Luizin.
