Dy turiste, një belge dhe një franceze kanë humbur jetën tragjikisht në malet e Valbonës. Ty turistet duke eksploruar zonën janë rrëzuar për shkak të terrenit të thepisur dhe ranë në greminë në vendin e quajtur “Qafë Valbonë”.
Ekipet e kërkim shpëtimit shkuan në vendin e ngjarjes por i gjetën pajetë turisten belge B. M. dhe francezen J. B.
“Në ndihmë të shërbimeve policore është nisur menjëherë skuadra alpine e FNSh Shkodër, pasi për shkak të terrenit shumë të vështirë dhe motit të keq, punonjësit e Policisë që ndodhen në vendngjarje, e kanë të pamundur nxjerrjen e trupave nga humnera.
Po për shkak të motit të keq, edhe helikopteri nuk ka mundur të ulet në vendin ku janë gjetur të pajeta turistet.
Për të mundësuar nxjerrjen e trupave të pajetë, shërbimet e Policisë vendore dhe të asaj kufitare, si dhe skuadra alpine, po bashkëpunojnë me Emergjencat Civile dhe me Ministrinë e Mbrojtjes” thotë policia.
