Ministrja e Brendshme, Albana Koçiu, theksoi se Shqipëria po konsolidon sigurinë e qytetarëve dhe turistëve, duke arritur rezultate të dukshme në uljen e kriminalitetit të rëndë dhe forcimin e rendit publik, ndërsa vendi po tërheq gjithnjë e më shumë vizitorë dhe investitorë të huaj.
“Shqipëria është një vend i sigurt, dhe kjo faktohet nga çdo raport ndërkombëtar. Vendi ynë mirëpriti 12 milionë turistë, si dhe qytetarë të huaj që hapin biznese apo blejnë prona këtu. Shqipëria ka dalë nga të gjitha listat e zeza. Kemi rritur ndjeshëm sigurinë, duke arritur 94% zbulueshmëri për veprat penale. Asnjë turist nuk është bërë viktimë e krimeve, ndërsa vrasjet me dashje janë ulur nga 41 në 29 në nëntëmujorin e parë të këtij viti,” deklaroi Koçiu.
