Mbrëmjen e sotme po mbahet nata e dytë gjysmëfinale e “Eurovision 2023” ku Shqipëria ka performuar e përfaqësuar nga nga Albina dhe Familja Kelmendi.
Kënga “Duje” u ngjit në skenë të 14 me radhë, numër i cili do të jetë edhe kodi me të cilin ata do të mund të votohen nga publiku.
Skenografia ishte përshtatur me ngjyrat kuqezi ndërsa nuk mungoi edhe flamuri kuqezi për të treguar prejardhjen e tyre.
Albina dhe Familja Kelmendi e përfaqësuan Shqipërinë si të zgjedhurit e publikut në edicionin e 61-të të Festivalit të Këngës në Radio Televizionin Shqiptar, i cili u mbajt në dhjetor.
Nga 16 shtete sa janë gjithsej në konkurim, vetëm 10 prej tyre do të marrin biletën për në finalen e madhe e cila do të mbahet të shtunën në “M&S Bank Arena” në Liverpool.
