Banorët e Himarës kanë dëshmuar në polici se Fredi Beleri dhe rrethi i tij i ngushtë u ka premtuar lekë në këmbim të votave për të në 14 Maj. Disa zonja dhe një burrë pasi dolën nga komisariati treguan për mediat pazaret që u ishin premtuar.
“Më është premtuar se do të marrim 200 mijë lekë nga Niko Panajoti për Belerin. Lekët do i merrnim pas votës. Nuk e di si do ta vërtetonim.
200 mijë lekë për tre persona. Fredi nuk më ka thënë gjë, por Nik Panajoti që jepja votën Belerit dhe ai do të jepte lekët” tha një grua.
“Jam nga Dhërmiu. Më mori policia në 12 të natës nga krevati dhe tani nuk na çojnë në Dhërmi. Brenda na pyetën për votimin. Unë thash nuk e njoh atë që e ka bërë.
Unë nuk kam lekë të shkoj në shtëpi tani. Lekë nuk ka dhënë njeri, na premtoi. Bollano dhe Beleri më thanë se do të japim lekë. Më thanë do të japim 100 mijë lekë për një votë. Unë nuk pranova” tha ai.
