Është bllokuar procesi i votimit në qendrën e votimit në lagjen Partizani, pasi komisioneri i koalicionit Berisha-Meta në qendrën e votimit 2373/1 të Elbasanit ka pretenduar se pajisja për votimin elektronik është manipuluar.
“Në një moment pauze shkova dhe votova për kandidatin tim. Dolën të gjitha në rregull, por në momentin kur shoh te printeri, më del emri i kandidatit tjetër, jo i Luçiano Boçit po i kandidatit tjetër.
Tani nuk e di, pajisjen e kemi bllokuar që pas momentit që kam votuar unë. Të vijë specialisti ta shikojë se për çfarë bëhet fjalë.
Në momentin që kam votuar unë, kam parë një emër tjetër, votimi i fundit është votimi im”- u shpreh komisioneri mes të tjerash.
