Erion Veliaj që kandidon për një tjetër mandat në Tiranë i ftoi të gjithë qytetarët që kanë pasur probleme në mëngjes të rikthehen për të votuar. U uroi suksese rivalëve dhe tha se fushata ka qenë e qetë.
“Sot isha i mërzitur që në mëngjes kishte probleme dhe shumë pensionistë u dekurajuan. KQZ ka qenë e pamundur të gjenerojë identifikimin elektronik dhe ka një vendimmarrje që të kalohet në sistemin manual.
Më vjen mirë që prelavoi kjo e drejtë. Ftesa për qytetarët që mund të kenë qenë të dekurajuar është që të rikthehen dhe të votojnë për të ardhmen dhe fëmijët. Secili që u dekurajua nga ajo lemzë e vogël të kthehet dhe të votojë.
Janë fatet e qytetit në lojë. Mezi pres që ta çojmë këtë projekt dhe proces me qetësi. U uroj pesë kandidatëve të tjerë shëndet dhe mbarësi në familjet e tyre. Gara mbaroi. Atyre iu uroj sukses. Ka qenë një nga fushatat më të qeta” tha ai.
