Pjesëmarrja e qytetarëve në votime për zgjedhjet për drejtuesit e pushtetit vendor deri në orën 16:00 është 32.19%.
Shifrat janë publikuar në faqen zyrtare të Komisionit Qendror të Zgjedhjeve. Të dhënat janë marrë në 2679 qendra votimi nga 5213 në total.
Deri më tani kanë votuar 619 193 qytetarë nga 1 898 349 në listat e qendrave të votimit të raportuara.
Ora 15:00
KQZ ka përditësuar të dhënat në lidhje me pjesëmarrjen e qytetarëve në kutitë e votimit. Deri në orën 15:00 kanë votuar 29.51 për qind e qytetarëve. Të dhënat e fundit nga KQZ vijnë nga 2692 qendra votimi nga 5211 në total.
Duke iu referuar të dhënave të publikuara nga KQZ, deri më tani numri i qytetarëve që kanë ushtruar të drejtën e votës është 550812 nga 1866477 zgjedhës në listat e qendrave të votimit.
