Turqia dukej se po shkonte drejt një balotazhi të zgjedhjeve presidenciale me partitë e Tayyip Erdogan dhe rivalit të opozitës Kemal Kilicdaroglu që pretendojnë secila kryesimin, por burime në të dy kampet pranojnë se mund të mos e kalojnë pragun e 50% për të fituar plotësisht.
Rezultatet e hershme të së dielës e vendosën Erdoganin në avantazh, por ndërsa numërimi vazhdoi, avantazhi i tij u ul siç pritej. Sipas Reuters një balotazh më 28 maj dukej i mundshëm, i cili do të vononte një vendim për dy dekadat në pushtet të presidentit.
Sondazhet e opinionit para zgjedhjeve i dhanë Kilicdarogu, i cili kryeson një aleancë gjashtëpartiake, një epërsi të lehtë dhe dy sondazhe të premten madje e treguan atë mbi pragun e 50%. Megjithatë shumica kishin sugjeruar një diferencë të ngushtë.
Të dyja palët hodhën poshtë numërimin e palës tjetër, pa u shpallur asnjë rezultat zyrtar.
Duke cituar shifra nga agjencia shtetërore Anadolu, media turke tha se me pothuajse 80.5% të numërimit të kutive të votimit, Erdogan ishte 50.43% dhe Kilicdaroglu me 43.77%, por opozita sugjeroi se rezultatet po publikoheshin me një urdhër që rrit artificialisht numërimin e Erdoganit.
Votimi i së dielës është një nga zgjedhjet më të rëndësishme në historinë 100-vjeçare të vendit, një garë që mund t’i japë fund sundimit 20-vjeçar të Erdoganit dhe të jehojë edhe përtej kufijve të Turqisë.
Votimi presidencial do të vendosë jo vetëm se kush e drejton Turqinë, një vend anëtar i NATO-s me 85 milionë banorë, por edhe se si qeveriset ajo, ku po shkon ekonomia e saj mes një krize të thellë të kostos së jetesës dhe formën e politikës së saj të jashtme.
