Koalicioni “Bashkë Fitojmë” i Sali Berishës dhe Ilir Metës morën një humbje të thellë, dërrmuese në 14 Maj. Qytetarët i besuan hartën thuajse plotësisht “mavi” Edi Ramës edhe një herë tjetër. Më shumë se për aftësi, ndoshta për mungesë alternative.
Megjithatë disa rezultate ishte të papritura. Janë shtatë bashkitë që nuk pritej, të paktën që Berisha t’i humbte të gjitha, pasi janë cilësuar dhe njihen si bastione dhe “zemra” e së djathtës.
Në krye qëndron Shkodra nga ku erdhi surpriza më e madhe e këtyre zgjedhjeve me Benet Becin. Kukësi. Vendlindja e tij, Tropoja. Lezha. Vora dhe Devolli dhe mbi të gjitha Kamza. Të gjitha i dhanë duart Sali Berishës.
