Prokuroria e Posaçme ka regjistruar zyrtarisht procedimin penale për Fredi Belerin, i cili u arrestua dy ditë para zgjedhjeve për blerje votash në Himarë, ku të dielën fitoi mandatin e kryetarit të bashkisë.
Gjykata e Vlorë e la në burg dhe dosjen e kaloi për kompetencë në SPAK për të vijuar hetimet. Tashmë struktura e posaçme ka nisur procesin. Në ditët në vijim Beleri do të dalë për t’u njohur me masën e sigurisë formalisht.
Aktualisht ndodhet në burg në Vlorë dhe ka bërë dy kërkesa për t’u transferuar në spitalin e burgut në QSUT.
