Presidentja e Republikës së Kosovës, Vjosa Osmani për mes një postimi në llogarinë e saj në Twitter ka falënderuar kryesuesin e Komitetit për Punë të Jashtme në Senatin Amerikan, Bob Menendez për angazhimin e tij në lidhje me demokracinë në Ballkanin Perëndimor.
“Një falënderim nga zemra për senatorin Bob Menendez për lidershipin e tij, angazhimin e palodhur dhe angazhimin e palëkundur për demokracinë në Ballkanin Perëndimor.
Osmani falënderon Menendezin për thirrjet e këtij diskutimi ku sipas saj ai “hodhi një dritë vendimtare mbi zhvillimet në rajon”.
“Mirënjohës për iniciativën e tij për seancën e sotme të Komisionit për Marrëdhëniet me Jashtë, e cila hodhi një dritë vendimtare mbi zhvillimet në rajon”, ka shkruar tutje Osmani.
Kryetari i Komitetit për Punë të Jashtme të Senatit amerikan, Bob Menendez u shpreh se në dialogun ndërmjet Kosovës dhe Serbisë, jo të gjitha palët po dialogojnë në mirëbesim.
Menendez tha se presidenti i Serbisë, Aleksandar Vuçiç publikisht është deklaruar se nuk do ta respektojë Marrëveshjen e Ohrit, duke thënë se nuk do ta njohë pavarësinë e Kosovës.
