Asgjësohen 6300 fidanë të mbjellë në tokë dhe 20300 fidanë në kubikë në Malësi të Madhe në kuadër të operacionit të koduar “Alpe të pastra”. Identifikohet dhe shpallet në kërkim njëri nga autorët kryesorë të kësaj veprimtarie kriminale.
Kanabisi është konstatuar në territorin e fshatin Gruemirë-Çesme, në ambient të hapur, 6300 fidanë të dyshuar cannabis sativa të mbjellë në tokë, si dhe 20300 fidanë në kubikë, që dyshohet se do të kultivoheshin në toka, në zona malore të Malësisë së Madhe.
Fidanët e mbjellë në tokë dhe në kubikë janë asgjësuar me anë të djegies, përveç një pjese të vogël që është sekuestruar në cilësinë e provës materiale. Në kërkim u shpall Ajet Delishaj 55 vjeç, banues në fshatin Polvar.
