Sot do të dalin përpara gjykatës së Elbasanit katër të miturit e arrestuar për vrasjen e 16-vjeçarit Fatjon Bici në Gramsh. 16-vjeçari Bici u godit me thikë gjatë një konflikti me 4 persona të moshave 14 deri në 16 vjeç.
Adoleshenti pasi doli nga mësimi pa në një rrugicë me kushëririn e tij 15-vjeçar Marko Bici që po konfliktohej me 4 bashkëmoshatarë dhe ndërhyri për ta mbrojtur. Goditjet me thikë i morën jetën adoleshentit, kushëriri i tij mbeti i plagosur.
4 të rinjtë, pas arrestimit nga policia ditën e ngjarjes, në prani edhe të psikologut, rrëfyen se sherri me Marko Bicin kishte nisur rreth 2 muaj më parë në një kënd lojërash dhe më pas ishte përshkallëzuar në rrjetet sociale.
