Arrestohet përgjegjësi i burimeve njerëzore në Drejtorinë e Përgjithshme të Objekteve Publike të bashkisë Tiranë, Erjon Buçuku 42 vjeç pasi mbrëmjen e djeshme u shfaq në një kamera të fshehtë nga një emision investigativ, “STOP”-i duke premtuar një vend pune tek shkolla “Mihal Grameno” për sanitare kundrejt 1.5 milionë Lekëve.
Policia deklaron se Buçuku u arrestua për “Korrupsion pasiv të personave që ushtrojnë funksione publike” dhe “Shpërdorim detyre”. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
