Ambasadorja e SHBA-së në vendin tonë Yuri Kim është me kryetaren e Gjykatës Kushtetuese Holta Zaçaj për ta uruar për postin.
Në një postim në Twitter Kim shprehet se SHBA do të vazhdojë të mbështesë reformën në drejtësi në mënyrë që gjykatat të funksionojnë të pavarura dhe me integritet.
“Sot takova Holta Zaçajn për ta uruar për zgjedhjen në krye të Gjykatës Kushtetuese. SHBA do të vazhdojë të mbështesë reformën në drejtësi në mënyrë që gjykatat të funksionojnë të pavarura dhe me integritet.
Kjo është kërkesë e drejtë e qytetarëve, është e nevojshme për të tërhequr më shumë investime dhe e nevojshme për anëtarësim në BE.
I urojmë gjykatëses Zaçaj dhe gjithë gjykatësve të tjerë suksese në përmbushjen e detyrës”, ka shkruar ambasadorja Kim.
