Gjykata e Tiranës ka lënë në burg pa afat Milena Derajn, mashtruese profesioniste. Më parë ka punuar në Bankën e Shqipërisë, por ka një vit që është shkëputur.
Ajo u arrestua pasi akuzohet se kishte mashtruar disa persona se do t’i ndihmonte të merrnin bono thesari në Bankën e Shqipërisë, apo në çështje gjyqësore.
Njëra nga “viktimat” e 30-vjeçares është biznesmene në Delvinë. Madje shoqe e saj duke i marrë 230 mijë euro. Me paratë e marra përmes mashtrimit, ajo ka blerë një shtëpi në Tepelenë.
340 mijë euro dyshohet se ia ka marrë përmes mashtrimit familjes Verracaku me premtimin se do i shpëtonte nga burgimi i përjetshëm pas masakrës në plazhin e Velipojës me kërkesën për gjykim të shkurtuar.
