Tre persona janë proceduar në gjendje të lirë në Pogradec pasi kanë goditur me grushte dhe sende të forta një 64-vjeçar.
Policia njofton se ka nisur procedimi në gjendje të lirë për shtetasit K. C., 28 vjeç, A. C., 31 vjeç, dhe P. C., 59 vjeç.
Njoftimi i Policisë
-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasit K. C., 28 vjeç, A. C., 31 vjeç, banues në Pogradec dhe P. C., 59 vjeç, banues në fshatin Gështenjas, Pogradec, pasi gjatë një konflikti në fshatin Gështenjas, në bashkëpunim me njëri-tjetrin, dyshohet se kanë goditur me grushte dhe me sende të forta, një 64-vjeçar.
