Ky edicion i “BBV2” do të mbahet mend nga të gjithë shqiptarët. Protagonistët e këtij viti i kanë mbajtur të gozhduar para ekranit çdo të martë dhe të premte të gjithë shqiptarët. Banorët e këtij viti do të mbeten gjatë në kujtesën e kujtdo me debatet, konfliktet, lojërat dhe momentet e lumtura të tyre.
Pavarësisht gjithçkaje, neve na mbetet të presim për edicionin e tretë të tij.
Arbër Hajdari ka qenë i ftuar në një nga rubrikat e “E Diell”, ku ka treguar shumë të pathëna nga “BBV2” dhe jo vetëm. Gjatë intervistës Arbëri ka treguar raportin me Zhaklin Lekatarin pas mbarimit të “BBV2” dhe është shprehur se nuk ka komunikuar më me të.
“Pas përfundimit të Big Brother nuk kam patur mundësi ta takoj sepse kam pasur një vizitë jashtë vendit.
Me Zhaklinën gjatë gjithë “Big Brother” kam shkuar shumë mirë, e kam pritur mirë, unë isha pritësi. Kemi diskutuar çështje të ndryshme përsa i përket shoqërisë shqiptare, problematikave, gjërave të mira edhe jashtë programit.
Unë në përgjithësi shkoj mirë me njerëzit dhe nuk kam pasur konflikte. Për disa gjëra e kam mbështetur Zhaklinën, për disa gjëra nuk kam qenë dakord dhe e kam kundërshtuar, ashtu siç ka bërë edhe ajo. Mendoj që e kemi mirëkuptuar njëri-tjetrin në shumë situata të krijuara”, u shpreh Arbër Hajdari.
