Një autobus me 20 pasagjerë mes tyre edhe fëmijë ka dalë nga rruga duke përfunduar jashtë rrugës në Itali. Ngjarja ka ndodhur në provincën Massa Carrara, Toskanë.
20 pasagjerët arritën që të dalin të gjithë jashtë. Shoferi ka mbetur i bllokuar për disa minuta, por më pas është nxjerrë jashtë, shkruan ANSA.
Është një autobus i linjës periferike që u shërben edhe nxënësve të shkollave të zonës. Helikopterë dhe ambulanca arritën me shpejtësi në vendin e ngjarjes.