Pothuajse 5,900 njerëz janë evakuuar nga zonat e përmbytura pas shkatërrimit të digës Kahovka në jug të Ukrainës, siç u njoftua më herët të mërkurën nga autoritetet okupuese ukrainase dhe ruse, të cilat kontrollojnë përkatësisht bregun e majtë dhe të djathtë të Dnieper.
Shkatërrimi i digës hidroelektrike, për të cilën Moska dhe Kievi fajësojnë njëri-tjetrin, rezultoi në përmbytjen e qyteteve dhe fshatrave në të dy anët e lumit. Rrethe të tëra të kryeqytetit rajonal, Kherson u zhytën në ujë.
“Evakuimi vazhdon në rajonin e Chersonës. Shpëtuesit tanë, policia dhe vullnetarët, kanë evakuuar tashmë 1,894 njerëz”, tha ministri i Brendshëm ukrainas, Igor Klymenko për televizionin publik.
Sipas Klimenkos, 30 komunitete janë përmbytur, dhjetë prej të cilave janë në zonën e kontrolluar nga forcat ruse.
Nga ana e tyre, autoritetet pushtuese njoftuan se deri më tani kanë evakuuar më shumë se 4000 persona.
Guvernatori i Khersonit i emëruar nga Moska, Vladimir Saldo tha përmes Telegramit se të prekurit do të strehohen në qendra të përkohshme strehimi.
Qyteti më i madh i prekur në Kherson të pushtuar është Nova Kahovka, i cili ndodhet shumë afër digës. Pompimi i ujit do të fillojë nga nesër e enjte, tha kryetari i komunës së emëruar nga Rusia, Vladimir Leontiev.
