Presidenti i SHBA-së, Donald Trump, ka deklaruar se Shtetet e Bashkuara disponojnë rezerva të mëdha municionesh të “nivelit të mesëm dhe mbi mesatar”, duke theksuar se konflikte të armatosura mund të zhvillohen “pafundësisht”.
Në një postim në platformën Truth Social, Trump theksoi se SHBA kanë një furnizim “praktikisht të pakufizuar” të këtyre armëve dhe se vendi është “i furnizuar dhe gati për të fituar”.
Ai gjithashtu kritikoi paraardhësin e tij, Joe Biden, duke e akuzuar se i ka dhënë Ukrainës një sasi të konsiderueshme të armëve të avancuara amerikane, përfshirë raketat ATACMS me rreze të gjatë veprimi, të cilat mund të godasin objektiva deri në 190 milje (rreth 300 kilometra).
