Një 22-vjeçar në Kavajë është marrë peng për disa minuta dhe është dhunuar nga tre persona, dy prej tyre vëllezër me pretendimin se i kishte mashtruar. Tre pengmarrësit dhe pengu janë arrestuar.
U arrestuan Renaldo Shala dhe Kristi e Enea Dilo, në pranga për mashtrim edhe 22-vjeçari Xhuljano Diko që u mor peng. Tre personat pretendonin se i riu i kishte mashtruar për të shitur një automjet me vlerë 4000 euro. Policia ka publikuar edhe pamjet e momentit kur tre personat e marrin Dikon dhe e fusin në makinë.
