Deputetja e PD-së, Jorida Tabaku u shpreh se temë kryesore në Kuvendin e Shqipërisë sot duhet të ishte Kosova dhe raportimi i kryeministrit mbi draftin që paraqiti për Asociacionin. Deputetja demokrate tha se është në kontakt me zyrtarët në Kosovë.
“Kam qenë në kontakt me të gjitha nivelet në Kosovë. Nuk kanë dijeni për këtë draft. Do të kishte qenë e udhës të kishin qenë pjesë e këtij procesi.
Të dënojmë ato që po ndodhin në Kosovë, që nga marrja peng e tre policëve deri te përshkallëzimi i asaj që po ndodh në veri” tha ajo.
