Ambasadorët e shteteve të QUINT-it kanë hyrë në qeverinë e Kosovës të enjten pasdite. Në oborrin e qeverisë janë vënë re edhe vetura të ambasadave të shteteve të tjera në Kosovë.
Një ditë më parë, në mesditë, Policia e Kosovës konfirmoi se tre zyrtarë të saj janë rrëmbyer brenda territorit të shtetit të Kosovës, nga forcat serbe. Liderët e shtetit e kanë cilësuar këtë veprim si agresion nga Serbia, teksa kanë kërkuar reagim ndërkombëtar.
Deri tani ambasadat nuk kanë dalë me qëndrime për situatën. Përfaqësuesit e Shteteve të Bashkuara të Amerikës, Mbretërisë së Bashkuar, Gjermanisë, Italisë dhe Francës, kanë qenë të heshtur që nga e mërkura.
