Policia e Tiranës ka arrestuar 3 persona për vepra të ndryshme penale. Në njoftimin e policisë bëhet me dije se A. I 20 vjeç, banues në Tiranë u arrestua pasi gjatë kontrollit në banesën e tij, u gjetën një sasi lënde e dyshuar narkotike kanabis dhe 1 grirëse e lendëve narkotike, të cilat u sekuestruan në cilësinë e provës materiale.
Ndërkohë specialistët për Hetimin e Krimeve të Komisariatit të Policisë Nr. 3 arrestuan shtetasin F. N., 51 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët e Qarkullimit Rrugor arrestuan shtetasin E. I., 18 vjeç, banues në Tiranë, pasi u kap duke drejtuar pa leje drejtimi, automjetin tip “Benz”.
Në Komisariatin e Policisë Nr. 3 është paraqitur shtetasi R. M., 19 vjeç, banues në Tiranë, i cili ka kallëzuar se është larguar nga banesa nëna e tij, shtetasja A. M., 41 vjeçe, e cila dyshohet se vuan nga probleme të shëndetit mendor. Punohet për gjetjen e saj.
Më datë 16.06.2023, rreth orës 01:35, shtetasi E. M. ka njoftuar Policinë se në rrugën “Loni Ligori”, ishte dëmtuar lehtë, në pjesën e përparme, automjeti i tij. Grupi hetimor po punon për përcaktimin e shkaqeve të dëmtimit të automjetit.
Materialet i kaluan Prokurorisë, për veprime të mëtejshme procedurale.
