Kolegji Zgjedhor vendosi dje përsëritjen e zgjedhjeve në bashkinë e Rrogozhinës. Por Sali Berisha nuk është i kënaqur. Ish-kryeministri kërkoi heqjen e kutitë së burgut dhe shpalljen e fitores së kandidatit të tij, Shkëlqim Hoxha.
“Çdo ditë që kalon, farsa elektorale nxin edhe më shumë, bëhet më e zezë.
Hapjet e dokumenteve dëshmojnë se me 14 maj, shqiptarët përjetuan një farsë të tillë që mund të mbahet mend vetëm në kohërat e diktaturës.
Në mënyrë antiligjore po sillen edhe organet e trajtimit të ankesave.
Flamurin e lakejve të regjimit e mban si gjithnjë drejtuesi i KAS, por paralel ecin edhe institucionet e tjera.
Dje, në Kolegjin Elektoral u shqyrtua dosja e Rrogozhinës, në të cilën kutia e burgut të Rrogozhinës nuk plotësonte asnjë kusht ligjor të një qendre të votimit.
Pra, para çdo gjykatësi me minimumin e integritetit profesional, ajo shpallej e pavlefshme. Dhe tani gjykata, në një vendim të kontrolluar, shpalli të gjithë zonën të pavlefshme për një qendër votimi.
A ka logjik njerëzore të dënosh 10 mijë, 15 mijë, sa mund të jenë zgjedhësit e Rrogozhinës, për manipulimin? Në vend që gjykata të kërkonte dënimin si kriminel elektoral të Ulsi Manjës, Erion Veliajt dhe drejtorit të burgut të Rrogozhinës, që stisën qendrën e votimit në burg për të ndryshuar rezultatin.
Skandaloz është votimi i dokumentuar në Kuçovë.
Ju do shihni aty të gjithë mekanizmat e manipulimit të votës brenda qendrës së votimit.
Ju do shihni përpjekjet për të fshehur nga KAS këto mekanizma.
Kështu janë pjesa dërrmuese e të gjitha bashkive për të cilat janë paraqitur ankesat.
Pra, edhe njëherë me 14 maj nuk kishte zgjedhje, por farsë zgjedhore” shkruan ai.
