70 punonjëse të një fasonerie kanë protestuar mëngjesin e sotëm në Fier, pasi prej dy muajsh nuk kanë marrë rrogën, e po kështu në rrethana të paqarta janë pushuar nga puna. Punonjëset e fasonerisë u shprehën se i kanë mashtruar me premtimin se do të riktheheshin.
Ato kanë apeluar për zgjidhje të shpejtë të kësaj situate. Një nga punonjëset ka thënë për mediat se nuk kanë patur asnjë kontakt me administratorët e fasonerisë, pavarësisht përpjekjeve të vazhdueshme.
