Policia e Korçës ka dhënë detaje lidhur me operacionin “Knock Down 3” që pas 6 muajsh hetime u finalizua mbrëmë. Gjatë operacionit u sekuestruan në total 9 kg lëndë e dyshuar narkotike kanabis, 388 gramë kokainë, 1 armë zjarri, municion luftarak, fidanë kanabis, llamba led, 9 automjete, 6 peshore elektronike, 28 celularë dhe shuma parash dhe eurosh, të përfituara nga veprimtaria kriminale.
Të arrestuarit janë Piro Papapetro 31 vjeç; Petrit Arixhiu 19 vjeç; Bledar Repa 46 vjeç; Taulant Repa 38 vjeç; Ermal Bezhani 36 vjeç; Markelian Kamenica 29 vjeç; Enea Frashëri 26 vjeç; Gentian Koçoli 40 vjeç; Devis Xhaholli 39 vjeç dhe Martin Kosturi 23 vjeç. Gjithashtu po hetohen në gjendje të lirë edhe 24 shtetas të tjerë.
Gjatë operacionit janë sekuestruar:
- 388 gramë kokainë e ndarë në doza;
-
9 kilogramë kanabis;
-
1 armë zjarri tip pistoletë dhe municion luftarak;
-
9 automjete;
-
28 aparate celular;
-
6 peshore elektronike;
-
një sasi në lekë dhe në euro, të përfituara nga veprimtaria kriminale;
-fidanë të kultivuar në gota plastike; 2 llamba neon led.
