Një sherr është regjistruar pasditen e sotme në Krujë ku rreth orës 19:55, në një dyqan lulesh ka ndodhur një konflikt.
Mësohet se konflikti ka ndodhur dyqanin në pronësi të shtetasve D. Gj., dhe K. Gj. ku sipas njoftimit të policisë janë vëllezër.
Sherri ka ndodhur mes 6 personave të cilët kanë përdorur sende të forta, mes 2 pronarëve të dyqanit dhe 4 vëllezërve me inicialet R. Rr., B. Rr., B. Rr., dhe A. Rr..
Gjatë konfliktit dyshohet se kanë qëlluar në ajër me armë zjarri, e më pas janë larguar.
Si pasojë janë dëmtuar shtetasit D. Gj., dhe K. Gj. Shërbimet e Policisë po krehin zonën me qëllim kapjen e autorëve të dyshuar.
