Policia e Shtetit ka nisur paraditen e së martës një kontroll në kampin e muxhahedinëve. Anëtarët e MEK-ut akuzojnë se policia vrau një person dhe plagosi shumë të tjerë.
Urdhri i kontrollit është lëshuar nga Gjykata e Posaçme në ambientet e kampit MEK, në Manzë të Durrësit.
Kontrollet vijnë vetëm pak kohë nga mbledhja e Këshillit të Sigurimit mbi parandalimin e luftës kundër terrorizmit dhe sulmeve kibernetike ndaj Shqipërisë.
Muxhahedinët janë opozitarë iranianë që prej dekadash luftojnë kundër regjimit të Teheranit dhe që kanë një vendstrehim të rëndësishëm në Manzë të Durrësit.
