Një person është i vdekur brenda kampit të MEK-ut. Rrethanat nuk dihen. Ministria e Brendshme e mohoi. Policia hesht deri tani.
Viktima sipas anëtarëve të MEK-ut është 65-vjeç. Anëtarët pretendojnë se iraniani u godit në kokë dhe më pas me gaz lotsjellës që i shkaktoi vdekjen.
“Deri tani, ka një person të vdekur”, tha një nga mjekët e spitalit brenda kampit të Manzës. Një mjek tjetër shpjegoi se kjo ka ndodhur për shkak të përdorimit të sprajit me piper: “E hodhën te njerëzit pasi kërkuan t’ia merrnin kompjuterët me forcë”.
Në protestë, anëtarët e MEK-ut mbanin në duar foton e tij. Ministria e Brendshme mohoi se ka viktima apo të plagosur, por i vdekur është brenda kampit.
Ky është fakti. Kur vdiq dhe çfarë e shkaktoi vdekjen pritet fjala e mjekësisë ligjore dhe hetimeve.
