Një tjetër operacion anti-kanabis është zhvilluar në Krujë. Gjatë kontrolleve FNSH ka evidentuar dhe asgjësuar 9448 bimë narkotike kanabis dhe 208 fara, të mbjella në kubikë.
Kanabisi u zbulua në fshatin Brret dhe në fshatin Kroi i Madh nga shërbimet e Komisariatit të Policisë Krujë në bashkëpunim me FNSH Tiranë.
Nga operacioni nuk ka asnjë të arrestuar. Strukturat hetimore në bashkëpunim me Prokurorinë, vijojnë punën për identifikimin dhe kapjen e autorëve.
