Kreu i Partisë së Lirisë, Ilir Meta për mes një postimi në llogarinë e tij në Facebook ka reaguar në lidhje me lirimin e 3 policëve të cilët u rrëmbyen në veri të Kosovës.
Në postimin e tij Meta u shpreh se lirimi i policëve është i vonuar por që është një veprim pozitiv.
“Lirimi i tre policëve të Kosovës, edhe pse i vonuar, është një veprim pozitiv, që i dha fund një akti tepër të rëndë provokativ.
Rikthimi tek dialogu dhe finalizimi i marrëveshjeve të negociuara përmes BE dhe SHBA është rruga e vetme për normalizimin përfundimtar të situatës dhe të marrëdhënieve Kosovë- Serbi,” shkruan Meta.
