Prokurori i SPAK, Vladimir Mara në një dalje për mediat ka dhënë detaje në lidhje me operacionin e zhvilluar me autoritetet italiane për goditjen e një grupi trafikantësh që transportonin heroinë nga Siria drejt Turqisë në Shqipëri, Maqedoni me destinacion vendet e BE-së.
21 urdhër arreste u lëshuan në Shqipëri. 20 trafikantë u arrestuan, por koka arriti që të shpëtonte. Është shpallur në kërkim ndërkombëtar. Mara dha detaje për operacionin, ku veç heroinës trafikohej edhe kokainë e hashash.
“Organizatorët nuk janë kapur në momentin e parë. Kanë vijuar aktivitetin në forma dhe mënyrë të tjera. Trafikimi bëhej me kamionë, që transportonin edhe sende të ligjshme. Droga futej në vende të bëra enkas që ishte e vështirë të kapeshin nga skanerët.
Roli i policit gjatë një operacioni për sekuestrimin, punonte në Shkodër, është korruptuar nga njëri prej trafikantëve. Roli i shqiptarëve ishte transportues, porositës dhe shpërndarës” tha ai.
Disa prej emrave ndaj të cilëve është prerë urdhër arresti;
Endrit Bakiu
Suko Pajo
Artur Sulaj
Arian Tola
Fadjon Çami
Viron Lekaj
Artan Agalliu
Shpëtim Pjeshka
Jani Çavo
Kudret Rustemaj
Besnik Ruçi
Pirro Çapi
Jani Meçja
Edmond Kabashi
Tomi Hila
Leonard Nergjoni
Artin Kurti
Astrit Miska
Ervis Çvilo
Mirash Gjoni
Sonila Sula (arrest shtëpie)
SPAK arreston 20 trafikantë, mes tyre një polic! Njëri arratiset, ky është “koka”
