Në fillim të muajit qershor ministria e Shëndetësisë që drejtohet nga Ogerta Manastirliu u trondit nga arrestimi i sekretares, Joana Duro, e cila sipas SPAK-ut futi gjysmën e tenderit në xhep për të shpallur fituesin.
Megjithatë tenderat vazhdojnë që të firmosen, bashkë me dyshimet për procedurat. Tre ditë më parë Operatori i Shërbimeve të Kujdesit Shëndetësor në varësi të ministres Manastirliu ka firmosur një tender për kujdesin detar për fëmijët. “5Pyetjet.al” publikon dokumentet e tenderit.
Kontrata është për një vit. Fondi Limit ishte 166 milionë lekë pa TVSH. Në garë morën pjesë tre kompani. Dy prej tyre që dhanë ofertën më të vogël, “TRIMED” 116 milionë lekë dhe “Fedos – Uppsala” 140 milionë lekë.
Të dyja u eliminuan duke i hapur rrugën kompanisë “Farma Net Albania” që ka pasur administrator Sokol Topçiun, i cili vendosi Evis Harizin, me ofertën 155 milionë lekë u shpall fituese.
Tenderi për shkak të eliminimeve të dy ofertave, që në fakt ishin edhe më të vogla është kapur me “flamur të kuq” nga faqja që monitoron prokurimet publike.
