Një tjetër pistë ka dalë në lidhje me vrasjen e dyfishtë ditën e djeshme në Shkodër, ku mbetën të vdekur Gjokë Gurra, 57 vjeç dhe djali i tij Eduart Gurra, 31 vjeç.
Babë e bir po shkonin drejt shtëpisë së djegur në Dukagjin dy ditë më parë. Ende pa mbërritur tek banesa e shkrumbuar disa persona i kanë zënë pritë dhe i kanë qëlluar me armë e zjarrit automatik kallashnikov duke i lënë të vdekur në vend brenda automjetit.
Kurth, pritë dhe plumba! Si u vranë babë e bir brenda në makinë?
Ngjarja ka ndodhur tek një kthesë e padukshme në një zonë të pyllëzuar, afro 500 metër pa mbërritur tek banesa e djegur e Gjokë dhe Eduart Gurrës.
Autorët i kanë zënë prit pasi kanë pasur informacionin e saktë se dy viktimat po shkonin drejt banesës së tyre të djegur dhe aty nga distanca i kanë qëlluar me breshëri plumbash automatiku duke bërë që të humbin jetën në mënyrë të menjëhershme.
Një prej pistave kryesore të këtij hetimi lidhet me dhënien e informacionit të shtetasit Gjokë Gurra për policinë e shtetit në aksionet për asgjësimin e kanabisit në zonën e Dukagjinit.
I ndjeri para 20 vitesh ka qenë pjesë e policisë së Shkodrës. Ndërkohë ende nuk ka informacione zyrtare
