Mbetjet e tetë avionëve luftarakë britanikë të Luftës së Dytë Botërore janë gjetur në një pyll në Ukrainë.
Avionët u dërguan në atë kohë në Bashkimin Sovjetik nga Britania pasi Gjermania naziste pushtoi vendin në vitin 1941.
Mbetjet u zbuluan kohët e fundit pasi në vend u gjet një bombë e pashpërthyer që nga Lufta e Dytë Botërore.
Ekspertët e aviacionit thonë se kjo është hera e parë që mbetjet e kaq shumë avionëve luftarakë britanikë janë gjetur në Ukrainë.
“Është shumë e rrallë të gjesh këtë avion në Ukrainë. Është shumë e rëndësishme për historinë tonë të aviacionit, sepse asnjë avion Lend-Lease nuk është gjetur këtu më parë.” tha Oleks Shtan, një ish-pilot i linjës ajrore ukrainase.
Muzeu Kombëtar i Aviacionit të Ukrainës është tani në procesin e gërmimit dhe identifikimit të sa më shumë mjeteve. Stafi atje synon të identifikojë sa më shumë avion që të jetë e mundur në mënyrë që ata të mund të rimontohen dhe të ekspozohen.
