Kryeministri i Holandës, Mark Rutte dhe i Luksemburgut, Xavier Bettel pas Serbisë shkuan në Kosovë për të dëgjuar palët me qëllim kontributin për të ulur tensionet. Rutte tha se me Kurtin kanë folur për situatën në veri.
“Agresioni i Rusisë kundër Ukrainës e ka bërë këtë më të rëndësishme se kurrë më parë. Dhe këtu stabiliteti regjional është proces tejet i rëndësishëm dhe sot i kemi shprehur brengat tona për ngritjen e tensioneve mes Kosovës dhe Serbisë.
Holanda dhe Luksemburgu kërkojnë shtensionim. Kjo është e rëndësishme jo vetëm për paqen dhe stabilitetin në rajon.
Përfshirja jonë në Kosovë dhe Ballkanin Perëndimor në përgjithësi është më e afërt se kurrë mund të them.
Holanda dhe Luksemburgu ishin ndër vendet e para që e kanë njohur pavarësinë e Kosovës. Holanda është investitori i tretë më i madh në Kosovë” tha Rutte.
Kurti: Serbia të zbatojë pa kushte dhe pa vonesa marrëveshjen
