Ish-ministri i Mjedisit, Lefter Koka është paraqitur sot në gjyq për dosjen e inceneratorit të Elbasanit. SPAK ka kërkuar 10 vite burg për Kokën që me aplikim të gjykimit të shkurtuar nëse shpallet fajtor do dënohet 6.8 vite.
Mbrojtja ka paraqitur konkluzionet duke shfajësuar Kokën. Ai ka mohuar akuzën e “shpërdorimit të detyrës”. Sipas avokatit, procedurën e koncesionit nuk e hap ministri, por Komisioni i Vlerësimit të Ofertave dhe se çdo vendimmarrje e komisionit ka kaluar edhe në filtrat e Këshillit të Ministrave duke ia kaluar “topin” e fajit qeverisë me në krye Edi Ramën.
