Presidenti i Ukrainës, Volodymyr Zelensky ka thënë sot në një konferencë për shtyp në Sofje të Bullgarisë se rreth 200,000 fëmijë janë zhdukur që prej fillimit të agresionit rus në vendin e tij.
“Vetëm imagjinoni, ne nuk e dimë se ku janë 200,000 fëmijë tani. Disa prej tyre janë depërtuar, disa janë në territoret e pushtuara dhe ne nuk e dimë se kush është gjallë,” tha Zelensky gjatë një konference për shtyp në Sofje, Bullgari.
Edhe më parë Moska është akuzuar për transferimin me forcë dhe të paligjshme të fëmijëve ukrainas nga territoret e pushtuara drejt Rusisë.
Gjykata Penale Ndërkombëtare në muajin mars të këtij viti lëshoi urdhra arresti kundër Presidentit rus, Vladimir Putin dhe Komisioneres së tij për të Drejtat e Fëmijëve, Maria Lvova Belova, për përgjegjësinë e tyre në depërtimet e supozuara të detyruara të fëmijëve ukrainas.
