Avokati Sajmir Vishaj, i ftuar në “5 Pyetjet” nga Ilir Babaramo dënoi videon e rëndë të transmetuar në media ku shihen anëtarë të fisit Rraja duke rrahur dy kushërinj të fisi Maja në Krujë.
Sipas Vishajt pamjet ishin tepër të rënda dhe kanë ngjallur frikë te njerëzit, ndërsa u bëri thirrje mediave që video të tilla apo me përmbajtje seksuale të dorëzohen në polici dhe të mos transmetohen, pasi ndikojnë drejtpërdrejt te njerëzit, te fëmijët.
“Ajo ishte një video shumë e rëndë. Kam qenë këto ditë nëpër qytete të ndryshme dhe shikoj një frikë të njerëzve pas dhënies së kësaj videoje. Lokalet janë bosh.
Do doja të bëja një thirrje ndaj organeve të medias që video të tilla të rënda ti dorëzojnë në polici dhe jo ti transmetojnë, pasi ato ndikojnë drejtpërdrejt tek njerëzit, të brezi i ardhshëm.
Të shikosh njeriun në tokë dhe ta qëllosh në mënyrë shtazarake. Këtu njerëzit kanë kaluar në ekstrem, dhe i thonë shtetit, që ti nuk po bën gjë, por po e bëjmë ne.”, deklaroi në lidhje me këtë çështje avokati Vishaj.
